Абаҕабыт уола Соловьев Николай Яковлевич 1937 с. төрүөх. Убайбыт сааһын тухары холкуоска совхозка солбуллубат сүөһү көрөөччү. Икки оҕуһунан пиэрмэ сүөһүтэ сиир отун тиэйэн эҥкилэ суох хааччыйар этэ. Үлэтин ыстааһа 42 сыл. Аны от үлэтигэр сайын бастыҥ бугулдьут, күнҥэ 300 бугулу туруорар, туруу үлэһит этэ диэн кэпсииллэр. Убайбыт барахсан ийэ таптала диэни билбэккэ да улааттар ыстаал хатарыллыбытын курдук ыһыы киһи буолан үлэни үҥэр таҥара оҥостон кэллэ. Кииринньэҥ аҕа буолан тулаайахтары ииппитэ. Билигин бэйэтин кыыһыгар олорор төһө да ыар-ыарыы буулаатар убаай иирэ талаҕы тыал имитэн иэмэх талахтыы эрийдэр санаатын түһэрбэт. Чиэһинэй мас көнө киһи. Билигин кыыһын сиэннэрин, хос сиэннэрин кытта күө-дьаа буолан олорор.