Аан дойдуну аймаабыт Аҕа дойду Улуу сэриитэ хас биирдии ыал аанын тоҥсуйан, хас биирдии киһи олоҕор ыар бэлиэни, сүтүгү хаалларбыт уоттаах сэрии… Хаһан да умнуллубат, өйөтөн-сүрэхтэн сүппэт аһыы, аба, курас санаа… Аҕа дойдуну көмүскээччилэр истэригэр  Потапов аймахтан 9  киһи ыҥырыллыбытыттан 7 эдэркээн, удьуору ууһатар киһитэ сэрии толоонугар хаалбыта. Сүүһүнэн, тыһынчанан, мөлүйүөнүнэн сэбиэскэй дьон курдук красноармеец, рядовой саллаат үрдүк аатын сүгэн Ийэ дойду көмүскэлигэр тыыннарын толук уурбут аймах дьонум туһунан кэпсиэм.

Үс  ини- бии Афанасий, Анемподист, Афанасий Потаповтартар кыралара Афанасий сиэнэ Григорьев Михаил Николаевич  1912с. төрүөх. «Сырдык Сулус» колхоз чилиэнэ.

1942с. бэс ыйын 15 күнүгэр Аҕа дойдуну көмүскүүр Улуу сэриигэ  Чурапчы оройуонун БК ыҥырыллан барбыта. 1122 № СП сулууспалаабыта.  1943 сыл от ыйын 10 күнүгэр Ивановскай уобалас Кинешма куоракка госпитальга ыалдьан өлбүтэ уонна Ивановскай уобалас Кинешма оройуонун  Кинешма куорат Межаки п. кылабыыһатыгар , 132 № могилага кемуллэ сытар.