Биир дойдулаахпыт, сэрии бэтэрээнэ ПЕТРОВ НИКИТА ГЕРАСИМОВИЧ 1927 сыллаахха Тылгыны нэһилиэгэр Орто Улукуукка төрөөбүтэ. Кини анал агроном үөрэхтээх этэ. 1945 сыллаахха бэс ыйын 10 күнүгэр Советскай армияҕа ыҥырыллан барбыта. Биир ый Мальтаҕа карантиҥҥа сытан баран, Хабаровскайтан Сахалинынан, Владивостогунан Забайкальскай фронт үһүс действующай армиятыгар сулууспалаабыта. Онтон Хабаровскайга төннөн кэлэн, билиэннэйдэри харабыллааһыҥҥа сулууспалаабыта. 1951 сыллаахха балаҕан ыйын бүтүүтүгэр дойдутугар кэлбитэ. "Японияны кыайыы иһин" мэдээлинэн наҕараадаламмыта. Дойдутугар кэлэн, үс сыл кулуупка улэлээбитэ, онтон колхознай оскуоланы бүтэрбитэ уонна түөрт сыл биригэдьииринэн үлэлээбитэ. 1982 с. Биэнсийэҕэ тахсыбыта. Онуоха диэри совхозка бухгалтердаабыта. Онтон совхозка үлэлээбитэ. Олоҕун доҕоро Корнилова Е.М. Тылгыны бастакы эмчитэ, коммунист. Петровтар икки кыыс, ус уол оҕоломмуттара. Оҕолоро бары үөрэхтээх дьон буолбуттара. Розалия, Роберт эмчит идэтин талан үөрэммиттэрэ. Розалия Үгүлээт нэһилиэгэр сельсовет сэкэрэтээринэн өр сылларга үлэлээбитэ, государственнай сулууспалаах ветеран, үс кыыстаах, сиэннэрдээх. Роберт Нам улууһугар олорор, икки кыыстаах, сиэннэрдээх. Эдуард авиационнай институту бутэрбитэ, авиация ветерана. Кини элбэх оҕо, сиэн тапталлаах киһитэ. Галина Свердловскайга пединституту бүтэрбитэ. Государственнай сулууспаҕа үлэлээбитэ, билигин Намҥа олорор. Үс оҕолоох. Валерий сибээс улэһитэ, икки оҕолоох. Буойун Петров Н.Г. олоҕун оҕолоро, үгүс сиэннэрэ, хос сиэннэрэ салгыыллар. Үтүө дьон Никита Герасимович уонна Евдокия Михайловна ааттара дойдуларыгар умнуллубат.