Биһиги аҕабыт Федоров Николай Иванович II ыам ыйын 22 күнүгэр 1920 сыллаахха Чуучукаан сиригэр төрөөбүтэ. Эдэр сааһыттан эрдэ тулаайах хаалан, бултаан,балыктаан убайын оҕолорун иитиспит. “Чуучукаан” колхоз улэҺитэ этэ.

Сэрии буолбутугар 1944 сыллаахха от ыйыгар ыҥырыллыбыта. Забайкальскай фронт 36а сд 152 ск рядовой стрелогунан сулууспалаабыта. 1946 сыл ыам ыйын 21 күнүгэр демобилизацияламмыта. Аҕа дойду Сэриитин II степеннээх орденынан, “Японияны кыайыы иһин” медалынан наҕараадаламмыта. Сэрии кэнниттэн тутууга, колхоз араас үлэлэригэр үлэлээбитэ, кадровай булчутунан сылдьыбыта, «Саха АССР бастыҥ булчута» знагы ылан 1957 сыллаахха Дьокуускайга бочуот дуоскатыгар хаартыската ыйаммыт.

Ийэбитинээн Ефремова Агафья Васильевналыын 1952 сыллаахха ыал буолан, 3 кыыс оҕолонон 35 сыл олус иллээхтик, чөл олоҕу тутуһан олорбуттара. Аҕабыт арыгыны олох испэт, табаах диэни тардыбат олус көнө, көнө майгылаах киһи этэ. Кинини Маалыкайга “күтүөт Ньукулай” диэнинэн билэллэр. Аҕабыт 1970 сылтан ыарыһахтыйан, 1987 сыллаахха ахсынньы 22 күнүгэр өлбүтэ.