Сироты войны

 
 
Годы жизни: 20.04.1941

Слепцова Антонина Даниловна 

 

1941 сыллаахха муус устар 20 күнүгэр Өктөөпкө төрөөбүт. Ийэтэ Харитонова Ирина Васильевна, аҕата Харитонов Данил Алексеевич. Аҕата биригэдьиир эбит. Ийэтэ ыарыһах буолан эрдэ өлөн, аҕата сэрииттэн тыыннаах төннүбэккэ Антонина 1 сааһыгар тулаайах хаалбыт. Төрөөбүт, улааппыт сиригэр 9 сааһыттан үлэлииргэ күһэллибит. «Правда» холкуоска сибиинньэ, бороон көрүүтүгэр сылдьыбыт. 1961 сылга кэргэн тахсан Чурапчы оройуонугар көһөн 1972 сылга дылы холкуоска ыанньыксыттаабыт. 1972 сыллаахха төрөөбүт дойдутугар төттөрү кэлэн «Маяк» ферматыгар күүһүн-уоҕун харыстаабакка куоталаһан-күрэхтэһэн дьоһуннаахтык, тахсыылаахтык үлэлээбит. 35 сыл устата суобастаахтык үлэлээн үлэҕэ үрдүк көрдөрүүлээх. 1993 сыллаахха пенсияҕа тахсан сиэн диэн минньигэс дьону бүөбэйдэспит. Биэс оҕолоох.    Наҕараадалара:

1979 сыллаахха «Сүөһү көрүүтүн 1-кы кылаастаах маастара» бэлиэ.

1983 сыллаахха «Идэтигэр бастыҥ» диплом.

1984 сыллаахха «Көмүс илии маастара» диплом, «11-с пятилетка ударнига» бэлиэ.

1986 сыллаахха «Үлэ ветерана» мэтээл,

«Ыччат наставнига» үрдүк аат. 1988 сыллаахха Саха АССР Үрдүкү Сэбиэтин Почетнай грамотата. Антонина Даниловна 27-тэ наҕараадаламмыт.

Молгарова Полина Семеновна ахтыыта

 

Место рождения: I Мальжегарский наслег Орджоникидзевского района
ПОДЕЛИТЬСЯ СТРАНИЦЕЙ