Харитонова Ольга Алексеевна 

Ийэм Ольга Алексеевна Харитонова 1939 сыллаахха төрөөбүт. Мин ийэбинэн эһэм Шилов Алексей Васильевич 1916 сыллаахха Тойон Арыы дьаамыгар элбэх оҕолоох Шилов Василий Николаевич дьиэ кэргэнигэр сэттис оҕонон төрөөбүт. Тойон Арыы дьаамыттан 1941 сыллаахха Улуу сэриигэ 20 киһи буолан барбыттар, онтон 9 киһи төннүбэтэхтэр. Эһэм кэргэнэ – Шилова Мария Алексеевна. Эһэм сэриигэ барыан иннинэ Булгунньахтаах сельскэй сэбиэтигэр сэкирэтээринэн үлэлээбит. 1942 сыллаахха Сталинград куораты көмүскүүр кыргыһыыга сураҕа суох сүппүт. Кэргэнэ Мария Алексеевна икки саастаах кыыһын кытта иккиэйэҕин хаалбыттар. Сэрии сылларыгар соҕотох оҕотун кытта бары ыарахаттары ааһан баран, кыыһа Ольга тоҕус саастааҕар 1948 сыллаахха өлбүт. Онтон эһэтэ Шилов Василий Николаевичка иитиллэ хаалбыт. Начаалынай кылааһы бүтэрэн баран 14 сааһыттан холкуоска субан сүөһү көрөн үлэлээбит.

        Кыыһа Павлова Маргарита Николаевна