Баишева Татьяна Тимофеевна

Баишева Татьяна Тимофеевна 1933 сыллаахха Мэҥэ-Хаҥалас оройуонун Дьабыыл нэһилиэгэр олунньу 10 күнүгэр төрөөбүтэ.

Аҕата Баишев Тимофей Дмитриевич 1942 сыллаахха сэриигэ ыҥырыллан барбыта. Сэрииттэн эргиллибэтэҕэ, сураҕа суох сүппүтэ. Ийэтэ Иванова Варвара Васильевна эрдэ өлөн, тулаайах хаалан, бииргэ төрөөбүт убайынаан Николайдыын абаҕаларыгар иитиллибиттэрэ. Татьяна Тимофеевна оҕо сааһа сэрии, сут-кураан сылларыгар  ааспыта. Оччотооҕу кэм оҕолорун курдук, колхоз араас үлэтигэр барытыгар сылдьыбыта.  

Оскуола кэнниттэн Дьокуускайга техникумҥа үөрэнэ киирбитэ,  ситэ бүтэрбэккэ дойдутугар кэлбитэ. Совхозка  ньирэй көрөөччүнэн, арыыһытынан үлэлээбитэ.

1958 с. Нэммэрэҕэ ыал буолбута, 5 оҕоломмута. Өр сыл оҕо саадыгар  ньээҥкэнэн, поварынан пенсияҕа тахсыар диэри үлэлээбитэ. Пенсияҕа тахсан баран совхозка остуораһынан киирбитэ.

Үлэлиир тэрилтэтиттэн, улуустан грамоталардаах. «1941-1945 сс. Аҕа дойдуну көмүскүүр Улуу сэриигэ килбиэннээх үлэтин иһин» мэтээлинэн наҕараадаламмыта.